UF-Ørsta/Volda

Årsmelding for UF ØRSTA/VOLDA 2009.

· UF- Ørsta/Volda har gjennom 2009 hatt følgjande styre:

o Leiar - Roar Gjerde

o Nestleiar – Matz Kroken Åsebø

o Sekretær – Hege Aarseth

o Kasserar – Even Haavik

o Styremedlem – Stein Husevåg

o Styremedlem – Thomas Bjerkhagen Indrearne

o Varamedlem – Sverre Berge Hustad

o Varamedlem – Øystein Sørheim

o Varamedlem - Einar Tore Haavik

· UF- Ørsta/Volda har sidan sist årsmøte kun hatt 2 styremøte. Det har ikkje vore noko særlig til aktivitet i regi av UF dette året. Det er litt ulike årsaker til dette, blant anna har vi hatt nokre større ulykker som har krevd ein del etterarbeid og etterforsking blant etatane. Organisasjonen har likevel arrangert desse aktivitetane:

Refleksaksjon i Ørsta.

Det vart halde refleksaksjon kun i Ørsta i år, det pga at det ikkje kom nokon henvendelse frå handelsforeininga i Volda. Årets refleksaksjon vart halde i september på parkeringsplassen utanfor AMFI. Alle etatane var representerte. Barn og vaksne fekk utdelt gratis refleks. Organisasjonen finn det svært viktig å førebygge ulykker, og har derfor denne aksjonen som eit førebyggande tiltak. Både brannbil, politibil og ambulanse kunne inspiserast av alle som var interessert.

Fellesmøte og gjennomgang av Eiksundulykka.

26 November var det arrangert fellesmøte for UF Ørsta/Volda. Tema var gjennomgang av den tragiske Eiksundulykka i juni. Mange var møtt fram. Dei forskjellige etatane la fram si evaluering etter tur. Svein Godager frå Ambulanseavdelinga, Malvin Kile og Einar Tore Haavik frå Brann og redningsetaten og Stian Meek frå Politiet. Kort oppsummert synest dei som deltok i redningsarbeidet at dette var ein bra utført redningsoperasjon. Når utfallet vart som det vart, kom vi til at det var best å få ut dei omkomne ut frå bilvraket nede i tunnellen.

UF-trening i idrettsbygget.

Vi har også i år treningstid i idrettsbygget i Volda. Dette er som før, onsdagar kl.19.30-20.15. Tanken med å ha dette tilbodet er sjølvsagt å komme i betre form, men det viktigaste er å samlast for å ha det sosialt i lag. Oppmøte har variert, så oppmodar fleire om å delta J

Birken 2009.

Tre UF medlemmar deltok i fjorårets Birken (sykkel). Desse sykla under UF Ørsta/Volda sitt namn. Dette var Geir Helge Ådneram, Pål Inge Olsen og Matz Åsebø.

· Styret i UF Ørsta/Volda tek sikte på å ta opp igjen meir aktivitet i året som kjem. Det har allereie laga ein møteplan for år 2010. Der tek vi bl.a sikte på å halde 2 fellesmøte, eit på våren og eit på hausten. Tema for vårmøtet vert truleg ”skyting pågår”.Tema for haustmøtet vert TAS 3, storbilredning.

Takk for samarbeidet i året som har gått!

Mvh

Roar Gjerde

Leiar i UF Ørsta/Volda

Volda 09.02-10